Nos v'chîn au c'menchement d'eune autre saîson, et auvec les nouvelles patates, l'èrnouvé apporte la saîson dé maqu'ré ichîn en Jèrri.
Pour mé, i' y'a rein coumme lé bouan fricot qué ma méthe soulait nos faithe.
Un maqu'ré frais dé Jèrri, rouôlé dans d'la flieu, fricachi dans du boan beurre dé Jèrri et bein breuni - sèrvi auvec un fricot dé patates mêlangies, d's ougnons bein fricachis et breunis, et des pais brantcheurs frais du gardîn.
Méthode: Auprès aver tchuit les lédgeunmes, mêlange les patates auvec un mio d'lait et du beurre et du paîvre au goût, met l's ouognons fricachis et les pais brantcheurs tous ensembl'ye dans la câssetrole. Mêlange bein, sèrt-les bein cauds auvec lé maqu'ré et j'vos garantis un bouan fricot.
Ursula Taylor
Viyiz étout: