|
Nou cope eune branque; nou clianque au manche; nou pique et flianque à l'audienche ofûche des faches, des lîngnes et grîngnes tch'êtril'yent, tch'êg'dachent. Nou dgette et dgîngne, et tch'est qu'nou vait? Nou vait d's êtailes auve des sifèches f'lées, ou faîtelles faites en fouaiblièche; des faches tch'êclyichent, arrouôsées d'veues caudes et clioutiches dans un nièr creux. Nou veurt des teurs, des m'niches, des ris, des mots motcheurs en argent'tie, toutes les bliues leunes r'êt' êbézoui. Les fielles r'arreunnent nos reunmîns rouis; des vadleûthants vaient l'êcliatchîn et sus l'êcran nou cope. La fîn. Geraint Jennings |
Viyiz étout: