un colînmachon

Né v'chîn eune vielle èrchette pouor eune èrmiède bein connue en Jèrri qu'nou soulait faithe sèrvi pouor dgéthi la conseunmtion ou eune suée d'fraid - jusqu'à la Preunmié Dgèrre Mondiale.

I' faut dênichi les colînmachons, lé sé, d'eune muthâle tch'est propre, et i' faut tch'i' saient enfreunmés dans lus cruques. Lé sitho du jus d'colînmachons dait être fait frais châque jour.

Ch'est en tchi - prannez trais colînmachons, êssuyez-les bein et m'ttez-les dans eune souôtâsse. Tapez sus l'haut d'la cruque pouor la cratchi, et saûpoudrez-les atout du jaune chucre.

Laissiz-les toute la niet, et l'lendemain au matîn ôtez cruques et colînmachons. Ajouôtez du jus d'limon ou d'orange ou d'l'essence d'almande, comme i' vouos pliait.

Né v'là ch' tchi faîthait à bein près eune tchul'lée à thée d'sitho, assez pouor eune fais pouor un p'tchiot.

Pouor eune grand' pêrsonne, il en faut pus.

Viyiz étout:

• Merrienne et les colînmachons

• Des r'mièdes du temps pâssé

• Les d'vis du Bouan'homme George

• Respectais Not' Connêtable

• La vie n'est pon tout roses!

• Lé Rusè Sire

• Du Sitho d'Cârottes

• Av'-ous bouan appétit?

• Les r'mièdes