Les Pages Jèrriaises

J'ai eune brébis dans ma pouchette


J'ai eune brébis dans ma pouchette.
Tch'est qu'ou mange? Des cocannettes!

J'ai un j'va souos man chapé.
Tch'est qu'i' mange? Du podîn d'Noué!

J'ai eune pieuvre dans mes hautes bottes.
Tch'est qu'ou mange? Des fliottes!

J'ai un êléphant souos man liet.
Tch'est qu'i' mange? D'la gâche mêlée!

J'ai eune souothis dans mes drâses.
Tch'est qu'ou mange? Des frâses!

J'ai un pîngouîn dans ma tchuîsinne.
Tch'est qu'i' mange? Des aubèrginnes!

J'ai eune vaque dans man solyi.
Tch'est qu'ou mange? D's oeufs fricachis!

J'ai un gorille dans m'n armouaithe.
Tch'est qu'i' mange? Des mouaithes!

J'ai eune tchilieuvre sus la montée.
Tch'est qu'ou mange? D's ouongnons picliés!

J'ai un paon driéthe man frigo.
Tch'est qu'i' mange? Des bourdélots!

J'ai eune girafe dans ma boête.
Tch'est qu'ou mange? D'la sî-tchête!

J'ai un lion dans man gardîn.
Tch'est qu'i' mange? Du brécolîn!


 

Viyiz étout:

 

Les Pages Jèrriaises