Les Pages Jèrriaises

Bein applyitchi

Un vier ministre en prêchant,
Un Dimanche à ses gens,
Sus les mystères dé la Nature,
Lus dît qué, dans la crûture
D'un brin d'herbe i' pouorraient
Sans être trop savants y vais
Un biaû sermon d'èscrit.
Mais coumme d'amors i'prêchit
A san monde si longtemps,
Què san discours mântchi
Dé lus être bein êdifiant.

Lé ministre châque Samedi matin,
Prennait d'la d'l'embarras
A machinner dans san gardin
Un becquêt d'herbe qu'i coppait râs;
Un vaîsin lé vit en pâssant -
Unn' idée l'y vint, et s'arrêtant:-
"Moussieu," i' l'i dît," vot' travas est superbe,
"Tout est bein drait et bein appliatî,
"Mais jé vait qu'i' n'yià qué les sermons dans l'herbe,
"Qu'ou n'avèz pas d'peux dé raccourchi! "

J. P.
1914.

 

Viyiz étout:

 

Les Pages Jèrriaises