Împromptu
|
J'ai eune bouonne pînte dé cidre, Assis sus l'Espliannade. Les cheins tchi libéthîdrent Ont fait eune bouonne pathade. J'ai veu lé Gouvèrneux, Les Juges et lé Bailli, Les gammes et lé bonheu D'la Fête en Dgèrnésy. Y'a des bourgailles, des gliaiches, Des cauds tchians, et des r'pas À la broche. Toute la pliaiche Est un grand carnava! Les gens à lus prom'ner Sont à r'garder les shows, Des jonglieurs à jonglier, Des stâlles auve des biau-biaux. Et St. Pièrre Port entchi Est un lieu pouor lé fanne. I' n'y'a autchun dangi: Y'a bein des policemainnes! Et dans la tente, j'veurs vaie Les Danseurs d'l'Assembllaïe. Né v'là pus Dgèrnésiais Qu'les gliaiches et les bourgailles!
Geraint Jennings |
Viyiz étout: