|
Les hoummes. Touos les Samedis au sièrs quand la s'maine est finie, Bein lavés et changis dans nos bouans habits; Rencontrer nos hardelles, Oh qu'i' sont belles! Touos sans manque j'allons. Car j'les aimons, Oh coume j'les aimons. Touos ensemblyes. La rencontre si douche que j'avons châque fais, Nos fait d'battre le tchoeu et nos remplye de jouaie. Coumme les tourterelles J'trouvons la vie belle, Mais j'voudraîmes tout l'jour À faithe l'amour. Oh véthe à faithe l'amour. J'allons nos promner ou'est qui n'y'a pas d'monde, Car d'notre temps ensemblyes j'voulons pas perdre eune s'gonde. Et la souos les bouais J'promettons chaque fais, Au clié des êtailles D'être fidéles. Tréjous d'être fidéles. Les femmes. Le temps de nos s'pather Arrive trèjous bein trop vite pour mé. J'voudrais dans tes bras Passer bein pus d'temps, Et tu-as toute m'n amour Pour le restant d'mes jours. Touos ensemblyes. Quand je s'sons mathiées j'veindrons visiter, Chutte p'tite pliaiche si prècieuse tchique bieau sé. Et nos promesses je r'fthons Eune fais et pour bouan. Au clié des belles êtailles D'être fidéles Tréjous d'être fidéles, Tréjous d'être fidéles. ALP |
Viyiz étout: