Siez nous, j'sis bein heutheuse, sauf tchiquefais quand j'ai la falle creuse,
Ah ch'est du dé m'en aller hardi liain siez des maîtres qué jé n'connais pas bein!

Etant pliaichie, i' faut travaîlli à tigue dé corps -
Souogni les couochons, traithe les vaques
Pouor les faithe baithe, app'ler les viaux: "V'nez vite don! V'nez vite don!"
Ch'est tout l'temps la sèrvante qui s'câsse la couenne
A êtchuther les câssetrolles, les cannes à lait,
Donner du grain ès poules, ès pithots et faithe la pâtée pouor les canards!

A la tabl'ye, i' fait vèrser à baithe,
S'assiéthe rârement, sé l'ver la preunmiéthe,
Et s'en aller, un crôtin d'pain à main, chèrchi du laicton pouor les lapins!

Ev-là pus d'vingt fais qué ma Méthe mé crie:
"A Bayeux, d'main, ch'est la louêthie!"
Mais malgré qué j'sais qu'oulle a raison,
Ch'la m' fé'tha grand peine dé tchitter ma maison!!

J.M. adapté par J.T.