Les Pages Jèrriaises

Assis au café d'la Pompe dé Bas

La Grande Rue meut d'monde d'Êté et d'avoût;
ès d'vantuthes y'a des bouonhommes et bouonnefemmes
attînfés d'faichons en coton. L'trou-
-pé d'Villais et d'vîsiteurs... Et d'un danme-

-léchant tout change: au run d'hommes y'a des mar-
-moûthieaux atout des faux; les femmes veinnent remp-
-liaichies d'lêzardes à faucillons et dards;
les mousses - des p'tites barres du solé tchi lampent

en saûticotant l'travèrs d'la Grande Rue -
i' trélûthent sus les zèbres qu'les lions dêdgeulent.
Lus pathents faûchent les pitchets d'veues. Des bliues
mauves ail'tonnent ès gavelles quandi qu'la meule

du tou d'preinseu juse les pouques à doleuses.
Les mannetchîns maîntchonnent les lueurs du solé;
lus bikinis dêbarrent des huthes rotcheuses;
la Grande Rue meut d'monde d'avoût et d'Êté.

Geraint Jennings

 

Viyiz étout:

 

Les Pages Jèrriaises