pouor la pâte:
Dans eune sâsse-paine, griyiz l'chaud d'lapîn atout l'restant du corps du lapîn, eune cârotte hadgie et du céléri hadgi. Mitonnez pouor eune heuthe.
Enflieuthez les pièches dé viande et fricachiz-les ligiéthement. Épis pliaichiz la viande dans eune lachefraie. Fricachiz l'ouognon tranchi, auve lé lard et les champîngnons (copés). Vèrsez chennechîn dans la lachefraie pouor couvri la viande, épis les cârottes et la pomme toutes hadgies. M'ttez l'restant d'la flieu et l'êpice dans la sâsse-paine, ajouôtez l'chaud et rêmouez jusqu'à ch'qué chenna d'veinge êpais. Vèrsez sus la viande et les lédgeunmes dans l'lachefraie.
Pouor faithe la pâte, frottez la graisse et l'beurre dans la flieu. Ajouôtez d'la fraide ieau et assembliez ligiéthement. Rouôlez la pâte et griyiz-en eune couvèrtuthe pouor l'lachefraie. Brîngiz la pâte atout un oeu d'battu ou du lait et m'ttez l'lachefraie au fou à 180ºC pouor au mains deux heuthes (mais quand la pâte et dorée couvriz-la atout eune fielle dé méta).
Viyiz étout: