Lé Service dé Noué d'l'Assembliée d'Jèrriais eut lieu Sanm'di lé 9 d'Dézembre 2000 à l'églyise dé St. André à la Preunmié Tou, St. Hélyi.
Ch'fut l'Sieur Edward Syvret tchi m'nit les priéthes et annoncit les cantiques. Lé preunmié cantique fut " Dans la Cité du Rouai Dâvi " chanté par les êfants dé d'dans les clâsses dans l's êcoles.
Les neu léçons fûtent liues raide bein par des membres d'l'Assembliée, et les cantiques fûtent chantés par l'tchoeu, l's êtudgiants et la congrégâtion. Y'eut étout un supèrbe solo chanté par Madanme June Lé Rossîngno : " La P'tite Ville dé Bethléhem ".
À la fîn du sèrvice la congrégâtion fut învitée d'pâsser dans la salle d'l'églyise pouor lé souper traditionnel.
 |
 |
Duthant l'souper, tchi qu'i' arrivit? Bein seu, ch'fut Papa Noué ! I' vînt vîsiter les membres d'l'Assembliée, et auve lî y'avait la Belle Fée.
Papa Noué apportit des présents pouor les femmes, et la Belle Fée donnit des présents ès hoummes.
Même si l'temps 'tait un mio pus mucre qué l'Pôle, Papa Noué et la Belle Fée r'chudrent eune bouonne vénue des cheins tchi 'taient là.
Viyiz étout: