|
Par la carre un houmme démeuthe, ch'est iun des vrais mêssieurs, tchi tchultivit un vèrt m'lon pouor mouontrer au show ès flieurs et quand nou-s'en avait ouï l'brit, nou vînt dé touos les bords et quand nou-s'avait veu san m'lon, nou criyit coumme d'amors: Oh mais tchi bieauté, j'n'en avais janmais veu iun si gros dévant! Oh mais tchi bieauté, i' dait aver dans les deux pids dé grand! Il a eune si belle couleu, tout bein et rond et gras: j'n'ai janmais creu qu'un vèrt m'lon craîtrait grand coumme chenna. Oh mais tchi bieauté, j'n'en avais janmais veu iun si gros dévant! I' 'tait canté sus san héchot l'aut' jour dans san gardîn et achîtrit eune d'mouaîselle tchi d'meuthe avaû lé c'mîn. I' l'am'nit à sa bordeuse et lî mouontrit dé tchi et quand oulle en vit la grandeu, la d'mouaîselle soupithit: Oh mais tchi bieauté, ou n'en avait pon veu iun si gros dévant! Oh mais tchi bieauté, i' dait aver dans les deux pids dé grand! Il a eune si belle couleu, tout bein et rond et gras: j'n'ai janmais creu qu'un vèrt m'lon craîtrait grand coumme chenna. Oh mais tchi bieauté, j'n'en avais janmais veu iun si gros dévant! Pis vînt l'grand jour du show ès flieurs - v'là l'monde tchi lus êcantent à seule fîn d'vaie chu grand vèrt m'lon allouongni dans la tente et bétôt les juges arrivîtent pouor bailli touos les prix; il' en eûtent raîque un apèrton et un châtchun briyit: Oh mais tchi bieauté, j'n'en avons janmais veu iun si gros dévant! Oh mais tchi bieauté, i' dait aver dans les deux pids dé grand! Il a eune si belle couleu, tout bein et rond et gras: j'n'avons pon creu qu'un vèrt m'lon craîtrait grand coumme chenna. Oh mais tchi bieauté, j'n'en avons janmais veu iun si gros dévant! |
Viyiz étout: