L'êffet d'pliantes grimpantes sus les bouais est un sujet tch'est souvent distchuter, auve hardi de gens d'l'opinion que chés pliantes cause l'étouffement d'jeunes bouais.

Ch'nna peut etre corrècte concernant pliantes comme chuchette tchi grimpe s'entrelacent et causant hardi d'damage.

Patheillement, bein des gens pense que lierru est detrimental a la craîtuthe de bouais. Pouortant ch'n'ést pas souvent l'cas. Actuellement, le lierru n'est pas tcheûteux mais se sert de bouais ou muthaille, batisse etc, seulement comme moyen d'support en orde d'etablyi le procés d'énèrgie essentiel pour toutes pliantes d'éffeuillage caduc. La facon d'sa rachînne sert seulement pour accrochi la pliche, causant autchun ma au bouais.

Le lierru peut dev'nin un problème quand il est laissi craitre et s'atchum'ler l'tout d'un bouais mort. En temps d'tempête la grand surface otchupée par le lierru caus'tha l'bouais d'chaie. Dans tchique cas la craituthe d'lierru a l'extreme affectetha le procés d'énèrgie essentiel pour le bouais, le resultat etant que les chucres nécessaithes pour fourni nouorrituthe es fielles du bouais sethonts ombrées par les fielles du lierru.

Une raison d'ôter lierru est quand i s'etablyie sus un jeune bouais tch'in peut pas supporter l'paids.

Malgré tout, l'association adopte le système de laissi lierru, au mains que la craituthe est vigouotheuse sus un bouais d'importance. La Commission Sylvicultuthe décliathe que 'Lierru a p'tit éffet sus des bouais pliantées en pliaine craituthe. Lierru n'étouffe pas les jeunes bouais, quouaiqu' i' setha en competition pour ieau et nouorissement nutritif. Ouaiqu'au lieu de ch'nna, la chuchette peut causer damage par s'entrelachi l'tou des bouais. Dans l'bull'tin, 'Consérvation d'l'Etat Sauvage d'la Bouais'sie' par la Commission Sylvicultuthe, le point d'importance est que 'Lierru grimpant fournis bouonne empliaichements d'coûvertuthes pour oiseaux, et bouon ruéutchi pour insectes et memmifères. Ses flieurs tchi fonts appathance tard dans l'année, quand p'tit chose est fleurissant attracte une variété d'insectes. Les p'tits fruits sonts bein appetisants es oiseaux et insectes etout'.

L'importance d'la nouorrituthe de lierru est bein erconnue parmi les insectes origînnaithes des alentours. Les tigots sus les bouais aidge a fourni le nécéssaithe pour raités, martés, piquebouais (tchi lus trouve seulment dans l's'alentours des iles).

La masse craituthe des p'tits jets des tigots fournisse bouonne nichie pour meîl'yès et grives. Oulle aidge a donner abrut es p'tits ouaîselins. Les cahouains et éteurcélets ont prendes avantage étout.

En orde de flieuri, i faut qu'et lierru grimpe au mains un metre dans l'bouais. Les flieurs fournisse du nectar en abondance quand i y'a p'tit autre a mangi, et fournie la seule nouorrituthe es carpéleuses. Le fleurissement est suivi par les fruîtuthes tchi'meusîssent a la fin d'l'hiver quand la majorité fruits tel que les raisins sonts passés. En general la grive et d'autes types d'oiseaux lus dependes sus l'fruit de lierru.

De tuous les elements d'la bouais'sie, lierru est iun des seules tchi fournie abri duthant l'hiver. En géneral lierru cherche de s'établyi sus des ormes morts, tchi sonts dev'nus victîmnes a la maladie connue comme 'Dutch elm'.

Quouaiq'ue lierru est connu comme une pliante détruissante, oulle est actuellement une pliante tch'éxiste en accord et bouonne harmonie auve toute bouais'sie.

Les Gens d'la Bouais'sie sonts trejous contents d'accepter d'nouvieaux membres dans l'Association. Vos pliaits ti contacter Julia Meldrum pour autchune information.

Julia Meldrum
L'Association Jèrriaise des Gens d' la Bouais'sie