|
Vé-t-en pouor qué j'té baîse et baive tan soûffl'ye; j'dgêpe dans ches lèvres, radgîn, raide rapacyi, affanmé - j'mang'geai ta chai - mé, l'êcoufl'ye. Envitoue-mé atout tén atonmie. Man nièr d'si, chu corbîn tchi bécote dû ail'tonne lé tout d'ches tchiêsses, bliesse atout l'bé, baîse auve des brais pitchants chu fricot nu; et ma langue futh'tétha dans un fliotchet d'baîsièrs, des nues d'bliûtinnes tchi bliâquent et bèquent. J'y sûffliéthai et sup'thai dans chu nid, un liet d'ossâle d'ouaîth'lîn avaû l'héthèque et j'y juqu'thai toute eune journée d'baîs'sie.
|
Viyiz étout: