Je gronne et j'ai gronnai
Et je gron'nait oquo
Et tout l'monde font comme mé,
Nou n'peu pas gronné trop,
Y'un crie contre chun-chin
Et l'autre contre chonna,
I faut biaumé ch't'ichin
Paslé contre ch't'ina,
I sont seux d'être dans l'tort
Car chès là l'habitude,
Faut qui subissent lus sort
Les ruaux d'la multitude.
Les gronneux sont comme mé
Et j'sis comme les gronneux,
Je m'y'pyais bin a biaumé
J'pasle q'pour le fun (comme yeux)
D'oui ma voix rêsonné
N'ya pas d'soin t'chesque j'disons
J'aimons beins bagoulé
Sait gnolin ou raison.
Et pis, chès d'jay Pee. Pee.
Groupe composé d'bégauds
I d'visent, et heurlent, et crient
Font des projets d'idj'hots.
En ville les gros marchands
Voudraient q'tou ch'ques chucré
Es-sait tout en même temps
Par les Etats taxé
Un ch'lin d'pus par tonné;
Le t'cherbon 's'sa trop chi,
Et bouanne raison j'éthai
D'faithe du brit d'vant l'payi.
J'objecte es Droits d'entrée
"Comité des Cauchies."
Et comme la prumié fais
Piesse 't'ils r'être bein dêtruits.
S'ou voulais taxé d't'chi
Et p'yiaithe ès honnêtes gens
Chein qui faut taxé CHI
Et taxé CHI tous l's'ans:
"Un ch'lin par tête les CATS
Deux ch'lins tous L'S'ORNEMENTS,
Chinq ch'lins chaque ESFANT D'BRAS
Et chinq ch'lins les pus grands
Les PER-AM-T'CHUL-BU-TEURS
(Et autres t'chéthibots)
Au mains toute lus valeur."
Le total en s'sait gros.
Ph'lip D'la Golarde
Nouvelle Chronique de Jersey 14/5/1902
|
