|
Y'a deux chents ans, des livres Tournouais 'taient faites sèrvi par les Jèrriais. Hourras pouor not' êcononmie! Hèque Jèrri et ses billes dé louis! Épis ches livres fûdrent rempliaichies par les pénîns et ch'lîns et louis. Hourras pouor not' êcononmie! Hèque Jèrri et ses billes dé louis! Papa et Manman cartchulaient en liards, et siêx-sous et dginnées. Hourras pouor not' êcononmie! Hèque Jèrri et ses billes dé louis! Mais d'pis eune pause, tout r'est changi: j'avons chent pénîns à not' louis. Hourras pouor not' êcononmie! Hèque Jèrri et ses billes dé louis! Et acouo mus - v'là tchi nos pliaît - j'éthons des billes en Jèrriais! Hourras pouor not' êcononmie! Hèque Jèrri et ses billes dé louis! |
Geraint Jennings
2010
Chutte poésie fut êcrite pouor la lanch'chie des nouvelles billes dé Jèrri l'22 d'Févri 2010. Ou fut r'citée à la lanch'chie par des mousses d'l'êcole d'Saint Louothains et întroduite par l'Minnistre d'la Trêsor'rie.
Viyiz étout: