Les Pages Jèrriaises

EUNE HINPROVISATION


SATIRIQUE ÈT FARCICO-COUMIQUE SUS LES DIVERS NATIONNAUX D'LA MANCHE.

Lé JERRIAIS couor quand i veux donné assistanc',
Lé Guernésiais lèv' tous ses dguérets quand i danc',*
L'Aur'gnais accatte ordinair'ment quand i dêpens,'
Lé Serquais bé un verr' quand i-l-en a la chanc',
L'Hermais est hardi court dé pé quand nou l'offens',
Et lé Jétouais s'en souv'ain bain quand i-l-y pens'!!!

UN GNIOLEUX.

* Qué nos vaîsins aient quatr' dguérets,
Ou mêm' qu'i cri'nt "Hi-hans!"
J'voudrais savé tchès qu'i-l-en est,
Pourvé qu'i saient d'brav's gens.

 

Vèrsion modèrnîsée:

 

EUNE HÎNPROVISÂTION


SATIRIQUE ET FARCICO-CONMIQUE SUS LES DIVÈRS NÂTIONNAUX D'LA MANCHE.

Lé JÈRRIAIS couort quand i' veurt donner assistance,
Lé Dgèrnésiais lève touos ses dgéthets quand i' danse,*
L'Aur'gnais acate ordinnaithement quand i' dêpense,
Lé Sèrtchais bait un vèrre quand il en a la chance,
L'Hèrmais est hardi court dé pé quand nou l'offense,
Et lé Jéthouais s'en souveint bein quand il y pense!!!

UN NIOLEUX

* Qué nos vaîsîns aient quat' dgéthets,
Ou même qu'i' crient "Hi-hans!"
J'voudrais saver tch'est qu'il en est,
Pourvé qu'i' saient d'braves gens.


 

Viyiz étout:

 

Les Pages Jèrriaises