Hélyi vînt en Jèrri et s'muchit dans un creux dans un rotchi. Mais la pathole dé Dgieu qu'il apportit siez nous a lit partout l'île et a êcliaithi toute l'île atout la lueu divinne. Tout tchait, tout meurt, tout veint à fîn, mais jé d'meuthons acouo dans la même lueu divinne qu'Hélyi connaîssait. Èrgardons la mé, la tèrre, lé ciel et nos-mêmes. Qué j'vèrrêmes dans les r'fliets du solé sus les louêmes l'icône d'la lueu divinne tch'entouothait Hélyi sus san rotchi coumme eune mathée încomprannabl'ye. Qué j'vèrrêmes dans les haches d'or d'la pâraisse un r'fliet d'la lueu divinne coumme Hélyi éthait veu un r'fliet sus la hache souôl'vée tchi cop'thait sa tête horte. Qué L'Hèrmitage sait coumme eune veue dans la baie pouor nos êcliaithi avaû l's âges. Et qué j'f'thêmes lithe tréjous la lueu divinne lé travèrs dé nous par la grâce dé Dgieu à seule fîn dé d'meuther dans la lueu acanté Hélyi.
Âmen
Viyiz étout: