|
Le monde est eune pliaiche si merveilleuse, Et je m'conte de tous humains la pus chancieuse, Si j'n'ai pas d'sou et que j'n'ai pas d'bein, , J'ai tant d'bonheu qui n'y'a pas d'soin, Man bonheu esi, coumme la mé au pliein, Le Solé qui lîs sus la côte au liain, L'univers remplyi de milles belles êtailes Qui gardent compagnie à la leune dans l'ciel. Erfrain Le bonheu, le bonheu, La milleu chose qu'nou peut aver, J'sis èrmérciante du fond d'man tchoeu, Qui j'ai tréjous ieu tant d'bonheu. Le bonheu est tout a-len-tout d'nous, Et y'en à dame bein assez dans chu monde pour tous, Touos les jours de la s'maine n'y'a qu'a r'garder Les biautés d' la natuthe si près de sé. L's anciens vos dithont, s'il sont avisés. Que l'bonheu vos veint selon vos pensées, Si chest qu'vot' success ou voulez m'suther, N'contez jamais vos sou, mais vot' bonheu. A.L.P. |
Viyiz étout: