|
Ches caudes hougues, côtis êcônés en hanques, êpaûlées d'pliaîsi, embraichies d'affits. La leune boule à la sîl'ye; lé ciel êtanque n'y laîsse pon entrer un d'gout d'améthe plyie. L'apliet joue dans man tchoeu; l'êcoute-pathai ouait d'la chant'tie ès cauds sablions ventés. Les rotchièrs connaissent la caûque-souothis. J'ai d's ailes ès g'vil'yes et ch'est qu'jé voltil'ye en té. Ta tête souos la bliête; l'ouothilyi des mielles èrchait tes corles tchi couôrront avaû-l'ieau. Tes tchiêsses tchaient l'long des falaises. Sans d'itelles parties, jé n'ouïthai pon lé d'si d'tes ruaux, tes hanques en côtis. Ches caudes hougues ouïthont la hueûl'lie d'ouothelles même du haut des monts. Geraint Jennings |
Viyiz étout: