Freunme la porte, fait bouân feu,
J'soummes siez nous à ces sé,
Pour la preunmiéthe fais touos seurs
Dans not' nid té et mé,
J'pouvons l's oublier tous
À la fin j'soummes siez nous.
Où'est qu' j'allons vivre l'un pour l'aut' tréjous.
Èrfrain:
Dé not' vie ensembl'ye jé f'thons
Justément chein qu'j'voulons.
Car la gêne et l'chagrîn n'entréthont pas ichîn.
Et la paix s'sa la nôtre ensembl'ye à l'av'nîn.
En vivant l'un pour l'aut' pour tréjous,
S'tu savais ma chérie,
Coumment qu'à longdeu d'années,
Qu'auvec té dans mes pensées,
Jé n'dormais pas eune mie,
Dans tes ièrs j'vai l'amour,
Qué j'ai prié pour,
Auv' tchi qu' j'viv'thons l'un pour l'aut' tréjous,
Èrfrain:
Dé not' vie ensembl'ye jé f'thons
Justément chein qu'j'voulons.
Car la gêne et l'chagrîn n'entréthont pas ichîn.
Et la paix s'sa la nôtre ensembl'ye à l'av'nîn.
En vivant l'un pour l'aut' pour tréjous,
Chein qui m' f'thait l'pus d'pliaîsi
Es'sait dé t'embraichi
Car la douocheu dé tes lèvres
Sus les meinnes j'veurs senti
Et bétôt dans mes bras
J'sai bein qu'tu m'dithas
Qu' j'allons vivre l'un pour l'aut' pour tréjous,
Èrfrain:
Dé not' vie ensembl'ye jé f'thons
Justément chein qu'j'voulons.
Car la gêne et l'chagrîn n'entréthont pas ichîn.
Et la paix s'sa la nôtre ensembl'ye à l'av'nîn.
En vivant l'un pour l'aut' pour tréjous,
A.L.P.
|
