Les Pages Jèrriaises

Eune fil'ye chantait dans l'tchoeu d'l'êglyise
Pouor touos les cheins tchi restent dans not' aut' pays,
Pouor touos les batchieaux, partis pouor chutte mé,
Pouor touos les chiens tchi ont oublié lus jouaie.

Sa vouaix montait vers la coupole;
Blianche dans l'solé lithait s'n êpaûle.
Châtchun ouïyait, viyait dans la nièrcheu
Coumme la leunmiéthe chantait dans l'tchoeu.

I' pathaît, qué j'éthons d'la jouaie dans l'âme,
Qué ches batchieaux arriv'thont dans d's ieaux calmes
Qué les cheins tchi restent dans not' aut' pays
Connaîssent la leunmiéthe et y vaient cliai.

La lueu du solé, la douocheu d'sa vouaix:
I' n'y avait qu'un corps tchi connaît nos s'grets -
Un êfant tchi plieuthait par d'vant les us,
Car nos batchieaux né s'en èrveindraient pus.

 

Viyiz étout:

 

Les Pages Jèrriaises