Les Pages Jèrriaises

En s'traûlant dans chu pays oublié

En s'traûlant dans chu pays oublié,
Lé calme êtrange est absolu;
Lé saux né trembl'ye pon ses fielles gelées;
Chu pays trantchil'ye m'est înconnu.

Êtrange étout l'écho lointain
Du grînchement dé ch't ancien pits;
Lé fraid solé n'illeunminne ichîn
Qu'les côtés des boutchets mouoillis.

Eune janne fil'ye habilyie en vèrt
S'en va vèrs lé pits, chantant;
Ou fait eune révéthence et m'dit bonsouair -
À mé... à mé, un înconnu pâssant!

Eune bliue leunmiéthe d'la mélancolie
Êfache douochement ma vîsion;
J'vai d'un co l'înmage dé chu Jèrri
Qué j'criyais n'existait pon.

 

Viyiz étout:

 

Les Pages Jèrriaises