L'rouai Bel-sarra-usur fit fricoter pouor mille dé ses nobl'yes et but du vîn l'avant au mille. Quand Bel-sarra-usur 'tait envitoué, i' c'mandit qu'nou pliaichîsse l'avant à li les vaissieaux en or et en argent qu'Nabu-kudurri-usur, san péthe, avait prîns du templ'ye à Jéthusalem à seule fîn qu'lé rouai, ses nobl'yes, ses femmes et ses contchubinnes pûssent en baithe. Épis nou-s'apportit les vaissieaux en or et en argent tch'avaient 'té dans l'Templ'ye d'la maîson dé Dgieu à Jéthusalem et l'rouai et ses nobl'yes et ses femmes et ses contchubinnes en bûdrent du vîn. I' prîndrent lus vîn et louangîdrent les dgieux dé l'or, dé l'argent, du tchuivre, du fé, du bouais et d'la pièrre.
Ches grandes bêtes sont quat' rouais tchi s'sont cârrés d'la tèrre.
Et coumme j'y pensais, j'vis un bichot tchi v'nait du Vouêt par sus toute la Tèrre sans touchi la tèrre; et l'bichot avait eune grande cône entré ses ièrs.
Mais lé gardgien du rouoyaume d'Pèrse m'opposait duthant vîngt-tch'iun jours; mais Miché, iun des grands gardgiens, vînt m'aîdgi et j'laîssis là auve lé gardgien du rouoyaume d'Pèrse, et j'sis v'nu à seule fîn dé t'aîdgi à comprendre tch'est qu'i' s'adonn'na auve tan peupl'ye à la fîn des jours. Ch'est en tchi y'a acouo eune vision pouor ches jours-là.
Mais j'ai à t'dithe chein tch'est înscrit dans l'livre d'la véthité. N'y'a fis d'âme auve mé tchi s'oppose à ches gardgiens sénon Miché, tan gardgien.
À chu temps-là Miché, l'grand gardgien, l'souôtchein d'tan peupl'ye, s'èrdréch'cha, et y'étha eune pause dé disteurbé, d'ité qu'i' n'y'a janmais ieu d'pis la fondâtion des nâtions. Mais à chu temps-là tan peupl'ye êcapp'tha, touos les cheins tchi s'ont r'gistrés dans l'livre. Bein des cheins tchi dorment dans l'pays du ponsi lus rêvil'lont, tchiqu's'uns à la vie êtèrnelle et d'aut's à la condamnâtion et au dêdain à tout janmais. Les cheins tchi sont avîsés lithont coumme la lueu du ciel, et les cheins tchi mènent un tas d'monde à la justice, coumme les êtailes jusqu'ès âges des âges.
Viyiz étout: