À M. l'Editeur du Constitutionnel 1845

À M. l'Editeur du Constitutionnel

Monsieur,

J'assistais il y a quelques jours à une réunion paroissiale, et j'y rencontrai deux naïfs enfans de Césarée, qui, après s'être serré amicalement la main, me firent entendre le dialogue suivant; en l'insérant, vous obligerez

UN DE VOS LECTEURS

Me. Bernabè Potteur Eh ben, couosin Jélian, y pare z don qu'nos jeans d'la ville vennent dé faire un biaux co! Ils ont mins une vaillante bodolière dé monde au rât d'lus bord, mauxgré toutes les m'sures quelz autres avaient happai pour les en empêchi!

Me. Jélian Troussai Vère dia, man fistaux, te z'ammins ont fait d'belles avennes. Y parez par le Consionnel de Samedi passai qu'il pnt r'fusai d'mettre au rât un flioquet d'bouans bourgés quiont, semn'âge, la paûte ben guernie, et iln nont admins qui n'ont pas l'moyan d'accaté, respé d'l'honneu qué j'té dé, une pare de brais, quand jez sé d'doffel.

Me. Bernabè Mais, man garçon, les chens qu'il ont mins de not bord sont l'z'ammins du Peuple, auliy qu'chez-la quiont étai renviais ne l'sont pas; chés tanqui y m'est avis qu'nos jeans ont ben fait d'les fouté hors dé la vés.

Me. Jélian Pardingue! chen est d'biaux ammins du Peuple qu'tes Roziers! Il'n ont tant fait dans luz assembliais de Pârêsse qué, ma fé, les cats en r'vendrés d'basse iaux. Mais, oprès tout, y n'faux pas s'en ébahi quand nou vé à lus tête chu p'tit Furluquet, qui vos mène touos pa'l'nais, comme nou mène les bêtes-à-saie pa'l'musé, quand nou veur lus mettre un anné.

Me. Bernabè Tuas biaux nos bailli d'tan bagnaudin et d'tan gniolin, j'té d'tie d'en trouvé un autre dans l'île de Jerri, quié l'filai si ben copai, et quien é tant dans la bahueule. Eh! ouais qu'tuen trouveras yun quié fait tant d'ben à l'île? Sais-tu ben qu'nou n'en vé pas touos les jours d'itais?

Me. Jélian An, nan dia, ma fé, y nian a pon fort comme li ichin; et j'nen siés pas marri, pour de mé; car si yen avé d'autres itais, quésqu'nou d'vendré? y vauxdré mus être amarré à la coue d'quat chevaux.

Me. Bernabè Eh! d'qués don qu'nou l'accuse?

Me. Jélian Tu n'as don pas oui qu'il a fait d'piés naguères? Y yen a qui dient qu'chés li qu'est cause u'chu grand Eguérialle a ammené la brouiolle dans l'paus; y parez étout qu'chu mauxfait Vadlérant-la s'en va tâchi d'nos môtré la lune par souos l'tro, et j'nez sé pas ravi quand y lé feré.

Me. Bernabè Vère étout! Eh, commès qui s'y prendré? Aça, mais exche que tu penses qué j'men vés crère tan baragouin.

Me. Jélian Pardingue, che n'est pas des babuses qué j'té conte là, man garçon: nous zen mène gros bri en Ville, et jém'sié laissi dire qué chu grand abbapain s'en va démoëzi nos herpins, et nos faire déhallé un mouoché d'sou.

Me. Bernabè An, pour de mé, je n'cré pon chonna. Mais tréjous, Jélian, tuen as tant d'chés herpins et d'chu m'ta, qué va qui n'sé hal'lé pas fort sus les paranniaux.

Me. Jélian Mais, y m'est avis qui fait ben d'péyi pour les bêtises dé z'autres; et jez sès, mé, pour en embâté le p'tit Furluquet; car tu sais aussi ben comme mé qué l'vièr proverbe dit qué l'chen qui casse les verres dé en péyi la valeu!

Le Constitutionnel 15/2/1845

Viyiz étout:

À l'Editeur du Constitutionnel

Dialogue entre Pierre de L'Etat, Gent., Seigneur du Manoir de Bonnenuit, et Manon de la Cour, Gardienne d'un Troupeau de Moutons

Dialogue entre Jeanneton et Nainai, des Paraisses de Ste.-Marie et St.-Ouen, le 2 Octobre 1811

Dialogue entre Jeanneton de St. Saouvoeux et Nénai de Saint-Ouan

Dialogue ente doeux Trintez

Me. Bernabè Potteur	Eh ben, couosin Jélian, y pare z don qu'nos jeans d'la ville vennent dé faire un biaux co! Ils ont mins une vaillante bodolière dé monde au rât d'lus bord, mauxgré toutes les m'sures quelz autres avaient happai pour les en empêchi!

Me. Jélian Troussai	Vère dia, man fistaux, te z'ammins ont fait d'belles avennes. Y parez par le Consionnel de Samedi passai qu'il pnt r'fusai d'mettre au rât un flioquet d'bouans bourgés quiont, semn'âge, la paûte ben guernie, et iln nont admins qui n'ont pas l'moyan d'accaté, respé d'l'honneu qué j'té dé, une pare de brais, quand jez sé d'doffel.

Me. Bernabè	Mais, man garçon, les chens qu'il ont mins de not bord sont l'z'ammins du Peuple, auliy qu'chez-la quiont étai renviais ne l'sont pas; chés tanqui y m'est avis qu'nos jeans ont ben fait d'les fouté hors dé la vés.

Me. Jélian	Pardingue! chen est d'biaux ammins du Peuple qu'tes Roziers! Il'n ont tant fait dans luz assembliais de Pârêsse qué, ma fé, les cats en r'vendrés d'basse iaux. Mais, oprès tout, y n'faux pas s'en ébahi quand nou vé à lus tête chu p'tit Furluquet, qui vos mène touos pa'l'nais, comme nou mène les bêtes-à-saie pa'l'musé, quand nou veur lus mettre un anné.

Me. Bernabè	Tuas biaux nos bailli d'tan bagnaudin et d'tan gniolin, j'té d'tie d'en trouvé un autre dans l'île de Jerri, quié l'filai si ben copai, et quien é tant dans la bahueule. Eh! ouais qu'tuen trouveras yun quié fait tant d'ben à l'île? Sais-tu ben qu'nou n'en vé pas touos les jours d'itais?

Me. Jélian	An, nan dia, ma fé, y nian a pon fort comme li ichin; et j'nen siés pas marri, pour de mé; car si yen avé d'autres itais, quésqu'nou d'vendré? y vauxdré mus être amarré à la coue d'quat chevaux.

Me. Bernabè	Eh! d'qués don qu'nou l'accuse?

Me. Jélian	Tu n'as don pas oui qu'il a fait d'piés naguères? Y yen a qui dient qu'chés li qu'est cause u'chu grand Eguérialle a ammené la brouiolle dans l'paus; y parez étout qu'chu mauxfait Vadlérant-la s'en va tâchi d'nos môtré la lune par souos l'tro, et j'nez sé pas ravi quand y lé feré.

Me. Bernabè	Vère étout! Eh, commès qui s'y prendré? Aça, mais exche que tu penses qué j'men vés crère tan baragouin.

Me. Jélian	Pardingue, che n'est pas des babuses qué j'té conte là, man garçon: nous zen mène gros bri en Ville, et jém'sié laissi dire qué chu grand abbapain s'en va démoëzi nos herpins, et nos faire déhallé un mouoché d'sou.

Me. Bernabè	An, pour de mé, je n'cré pon chonna. Mais tréjous, Jélian, tuen as tant d'chés herpins et d'chu m'ta, qué va qui n'sé hal'lé pas fort sus les paranniaux.

Me. Jélian	Mais, y m'est avis qui fait ben d'péyi pour les bêtises dé z'autres; et jez sès, mé, pour en embâté le p'tit Furluquet; car tu sais aussi ben comme mé qué l'vièr proverbe dit qué l'chen qui casse les verres dé en péyi la valeu!