Moussieu l'Editeu'
Moussieu, - J'ai oui qu'y'a des jaloux dan' not' vaîsinné tchi prétendent qué l'amouotheuse à Laîesse n'est pon grosse happe, et qué j'n'avons qu'faithe dé chanté si haut.
Pour freummé l'bé à tuos chès cacteurs là, j'vos envie l'portrait à ma belle fille prétendue, Sophie Brache. Tchès qu'ou's 'en criyis? A-t-all' l'yi clié, les dents blianches et la pé v'lousée?
Chès Laïesse qu'a fait la frêmme. Il en fait coumme cheunna l'sé quand j'soummes tuos seurs pour dounné d'un bor' et d'l'autre à Noué.
Yours truly,
Bram Bilo
Portinfé,
Déc. 29, 1897
Viyiz étout: