|
Aniet, Sauveûx, j’ai huiptante ans, Ma tête est ligiéthe coumme eune plieunme! J’té d’mande, s’i’ t’ pliaît, dé m’laîssi vivre Jusqu’à j’ai huiptante-tchieune. Mais, j’sais bein qu’ j’n’en sis pas finie D’faithe bein d’aut’ choses, bein seux, Ch’ess’sait-t-i bouon dé m’garanti Dé vaie mes huiptante-deux? Tant d’chôses à vaie dans l’monde entchi – Man chèrvé garder frais, J’ peux-t-i’ aver eune année d’pus Et aver huiptante-trais? Des frais i’ faut à ma maîson D’neux tapis et des nattes. Ah! J’voudrais la vaie bein èrgraie Quand j’éthais huiptante-quat’! Et pis, j’voudrais un riche galant – Charlôt, Dâvi ou Fraînque! Tchi belle vie qué j’éthais auve li Si janne à huiptante-chînq! J’îthaîmes en Grèce ou bein en France Ou à Rome en Italie. Tchi pliaîsi d’aller par avion, À l’âge dé huiptante-six! J’té d’mande, Sauveûx, eune année d’pus, Donne mé santé et faites Qué j’vive trais chents souaixante-chîn’ jours dé pus Jusqu’à mes huiptante-sept. Et j’sis bein qu’à ch’t’ âge là, étout, Qu’ nou’ n’gabathe pas si vite – Mais tchi pliaîsi d’pouver atteindre La belle âge dé huiptante-huit! J’éthais veu et fait dé si belles choses Dépis qué j’ai ‘té veuve, J’peux-t-i’ aver acouo d’bouon temps Et patchi mes telles à huiptante-neuf? P’T-ÊTRE!! |
Viyiz étout: