La biche à Jean Le Riche a la clyche, mais i' s'en fiche! Pas de r'miede! Lé lendemain, la biche à Jean Le Riche tch'avait la clyche – 'tait raide!
Eune fais, j'donnis du fais à eune fée. Ou m'dit: “Mercie bein des fais!” Les fées éthont lé faie pouor lus thée! Tchiquefais, quand les fées ont du faie pouor lus thée, i' sont bein dgaie car lé faie lus pliait!
La femme à Davi d'la Cour, lé court, fut présentée en Cour car san fro 'tait trop court. Lé juge li dit: “Missis d'la Cour, femme à Davi d'la Cour, lé court, pouortchi qu'tu es ichîn en Cour avec un fro si court?” “Moussieu” réponnit la femme à Davi d'la Cour, le court, “J'sis en Cour et mon fro est si court car ch'tait un jour qué j'tais accourt d'étoffe!” Cas demint!!
Mess Desraux, lé gros, avait des maux dans l'co et dans l'dos. San docteu dit: “Gros Desraux, couôrre un miot! Tu mange trop au Bistrot au Hocq!” Mais, Mess Desraux, lé gros, va acouo au Bistrot au Hocq, ouest qu'i' manges trop dé tchique vlicot, dé crabe-à-co, dé picot et des bourdelos en sirop! Tchi fricot!!
Viyiz étout: