Les Pages Jèrriaises

La Maison du p'tit bouonhomme du bouais...

 

Né v'chîn la porte d'la maison du p'tit bouonhomme du bouais...

Né v'chîn la sétheuse dé la porte d'la maison du p'tit bouonhomme du bouais...

Né v'chîn la clié d'la sétheuse d'la maison du p'tit bouonhomme du bouais...

Né v'chîn l'empendante dé la clié d'la sétheuse dé la porte d'la maison du p'tit bouonhomme du bouais...

Né v'chîn l'rat tchi mangit l'empendante dé la clié d'la sétheuse dé la porte d'la maison du p'tit bouonhomme du bouais . . .

Né v'chîn l'cat tchi mangit l'rat tchi mangit l'empendante dé la clié d'la sétheuse dé la porte d'la maison du p'tit bouonhomme du bouais . . .

Né v'chîn l'tchian tchi tuit l'cat tchi mangit l'rat tchi mangit l'empendante dé la clié d'la sétheuse dé la porte d'la maison du p'tit bouonhomme du bouais...

Né v'chîn l'homme auve sén arme tchi tithit l'tchian tchi tuit l'cat tchi mangit l'rat tchi mangit l'empendante dé la clié d'la sétheuse dé la porte d'la maison du p'tit bouonhomme du bouais!

 

 

Viyiz étout:

 

Les Pages Jèrriaises