Ch'est en tchi, d'pis qu'par la mînséthicorde du Bouôn Dgieu j'avons chu minnistéthe, jé n'sommes pon êtchoeuthés. Pus à co, j'avons r'nonchi l's actions honteûthes en s'gret; jé n'faîthons pon sèrvi l'embliûtréthie, ni dêroutons la pathole du Bouôn Dgieu. Au contraithe, en explyitchant sîmpliément la véthité j'nos r'quémandons à la conscienche dé tout l'monde l'avant au Bouôn Dgieu. Et même si not' bouonne nouvelle est vouailée, oulle ès vouailée des cheins tchi sont pouor péthi. Lé dgieu dé ch't âge a aveuglié l's esprits des cheins tchi n'craient pon, pouor qu'i' n'vaient pon la leunmiéthe d'la bouonne nouvelle tchi mouontre la glouaithe dé l'Onguenné, tch'est l'portrait du Bouôn Dgieu. Ch'est en tchi chein qué j'prêchons n'est pon nos-mêmes, mais Jésû Chri coumme Seigneu, et nos-mêmes coumme vos sèrvants pouor l'amour dé Jésû. Ch'est en tchi l'Bouôn Dgieu tchi dit, "Qu'la leunmiéthe lithe dans la nièrcheu," fit lithe sa leunmiéthe dans nos tchoeurs pouor nos bailli la leunmiéthe dé la connaîssance dé la glouaithe du Bouôn Dgieu mouontrée dans la fache dé l'Onguenné.
Mais j'avons chu trésor dans des vaissieaux en tèrr'rie pouor mouontrer qué chu pouver tout-contchéthant veint du Bouôn Dgieu et pon d'nous. J'sommes talbâtés d'touos les bords, sans êt' êglianmis; pozzlés, sans êt' au m'sespé; pèrsétchutés, sans êt' laîssis couôrre; abattus, sans êt' dêtruits. J'portons tréjous dans not' corps la mort d'Jésû, pouor qu'a vie d'Jésû sait étout dêmuchie dans not' corps. Ch'est en tchi nous tchi sommes vivants sont tréjous à êt' donnés à la mort pouor l'amour dé Jésû, pouor qué sa vie sait étout dêmuchie dans not' corps mortel. La mort son travâle en nous, mais la vie travâle en vous.
Ch'est êcrit: "J'ai creu et né v'là pouortchi qu'j'ai pâlé." Viyant qu'j'avons chu même esprit d'fouai, j'criyons étout et don j'pâlons, pa'ce qué j'savons qu'lé chein tchi souôl'vit l'Seigneu Jésû d'la mort nos souôlèv'tha étout acanté Jésû et nos présent'ta acanté vous à li-même. Tout chennechîn est pouor vot' beinfait, pouor qué la grâce tch'aveingnent à d'pus en pus d'gens piêsse faithe dêgôler d's actions d'grâce à la glouaithe du Bouôn Dgieu.
Né v'là pouortchi qu'jé n'sommes pon êtchoeuthés. Ouaithe qu'en d'houors j'séyons faillis, tout coumme en d'dans j'sommes à êt' èrnouv'lés jour par jour. Ch'est en tchi nos peines ligiéthes et temporaithes nos gâqngne eune glouaithe êtèrnelle tchi vale bein pus qu'ieux. J'n'èrgardons pon don ch'est tch'est visibl'ye mais chein tch'est învisibl'ye, viyant qu'chein tch'est visibl'ye est raîque pouor achteu, mais cheint tch'est învisibl'ye est à tout janmais.
Mais si not' bouonne nouvelle est muchie, oulle est muchie des cheins tchi sont pouor péthi. Pouor dé ieux l'dgieu d'chu monde a êgalué les cheins tchi n'craient pon, à seule fîn qu'i' n'appèrchèvent la lueu d'la bouonne nouvelle d'la glouaithe du Christ, tch'est l'portrait du Bouôn Dgieu. Ch'est en tchi jé n'prêchons pon d'nos-mêmes, j'prêchons qu'Jésû Christ est l'Seigneu et qu'nous j'sommes vos sèrvants par Jésû. Viyant qu'le Bouôn Dgieu dit, "Qu'la leunmiéthe lithe dé d'dans la nièrcheu," et a lit dans nos tchoeurs à seule fîn d'bailli la leunmiéthe d'la glouaithe dé Dgieu dans la fache dé Jésû Christ.
Viyiz étout: