Les Pages Jèrriaises

Valentine

 

Jé t'aime!

Qu'est qu'ch'est qu'une Valentine?
Che n'est qu'un p'tit de gnolin,
L'effet d'une humeur badine,
Ou bein d'un fol êvrefin.

Et pis qu'est qu'ch'est que l'amour?
Chonna est une autre affaire,
Et tu l'apprendras un jour,
Sans l'aide d'un dictionnaire.

Je voudrais déjà l'saver.
Je t'en crai, mais ai patienche;
Ov le doux il y-a d'l'amer,
L'un et l'autre se balanche.

Je n'veurs pas rester vielle fille -
­Bein entendu, et tu-as raison ;
Mais sans être fort habille,
Nou peut trouver un garçon.

Qu'est qu'nouz entend par sagesse
De qui que tous trouvent bon ;
Mais à qui dans lus jeanesse,
Je crai qu'i'ne pensent pon.

Je voulais une Valentine.
Sans doute et pas du gnolin ;
Mais tu le sais, ma cuosine,
Je ne sis qu'un Valentin.


P.L.

 

Viyiz étout:

 

Les Pages Jèrriaises