|
De touos les jours de Fevri, Ous pouvez m'en crere, Le chein qui m'fait l'pus d'pllaisi, Le chein que j'prefere, Est le quatorze au matin, Quand je vei men Valentin En m'en allant traire, Oh! gai. En m'en allant traire. Chu jour là depis longtemps L's ouaisiaux nou marie; Pour me j'en f'rais bein autant, J'ne s'rai par marrie, Quique biau jour un matin Ov men galant Valentin Si nou me marie Oh! gai. Si nou me marie. Quique vieille fille dira, Mon doux, qui bêtise; Mais personne ne crera Une itel' sottise; Fille aime ser et matin A trouver sen Valentin Quique nouz en dise Oh! gai. Quique nouz en dise.
P.L. |
Viyiz étout: