Les Pages Jèrriaises

Vaincre ou Mouori,


ou lé
Chant dé Dgière des Libéraux St.-Sauveurais.

 

Air:- "Mourir pour la Patrie."

Faisons 'rtenti la trompèt' d'alarm',
Et qu'tout anmin d'la Libèrtè
Sé lèv' vit' coum' un brav' - qu'i prann' s'n-arm'
Et acouôr' d'un pas aseurè.
Qu'not' cri sait - "Vaincre ou Mouori!" - bis.
L'z-enn'mins du Peupl' s'erlèv'nt et m'nichent dé l'achoinmi! - bis.

Rosiers! Nos enn'mins - êcoutèz bain -
Conspir'nt contr' nous èt jur'nt not' pèrt' ;
Pour 'rgangni ch'qu'i-l-ont perdu d'tèrrain
I nos dêcliâr'nt eun' dgière ouvèrt !
I faut les Vaincre ou Mouori! - bis.
Donnons-lus Bacâyou si chêqu'i-l-ôs'nt apréchi! - bis.

Ecoutèz-les! I-l-êtcheum'nt dé rag'!
I-l- aprèch'nt! Tchi brit inferna!
Alons ! Rasembions tout not' coyrag',
Car j'alons entenmé l'combat!
Oui, I faut Vaincre ou Mouori! - bis.
Montons tous sus la brèque èt afrontons l'dangi! - bis.

En avant! Aubin est à not' têt', -
I nos promèt Victouair' compièt':
Si j'lé s'condons, i f'ra la Contchêt'
Et l-z-aut's s'ront seurs d'eun' fièr' dêfait'!
Ov'nous, ch'est Vaincre ou Mouori! - bis.
Capuchons fermément, sans acordé d'cartchi! - bis.

Djoerainy.
St.-Sauveux, chu 2 d'Févri 1863

 

Viyiz étout:

 

Les Pages Jèrriaises