|
Qu'lé subjonctif s'en âge! Qu'i' n'sait pus d'aut'! Ah mais, combein qué j'veurs qu'i' dispathaîsse! J'ai peux qu'auve li nou faiche tréjous eune faute. J'aim'thais qu'nou l'bouoille dans eune bollée dé graîsse! Qué j'paqu'thêmes lé subjonctif dans eune boête! I' faut qué j'l'enviêthêmes au tchu au tchian! Nou l'înventit pouor qué j'cratchîsse la tête En conjudgant - sans qué j'comprînsse lé plian. I' faut qu'i' meuthe - j'veurs tant qu'i' dorme en paix À seule fîn qu'j'piêssons conjudgi nos vèrbes Sans qu'j'allouêthêmes des mêprînses y entrer. Dans un c'mîn bein battu, qu'i' n'craîsse pon d'hèrbe!
Geraint Jennings Novembre 2002
|
Viyiz étout: