Les Pages Jèrriaises

Chutte sémaine sainte, l'air sembl'ye lithant

Chutte sémaine sainte, l'air sembl'ye lithant;
des vèrtes veues sont à clyînn'ter ès fôssés;
les bouais êcliaithis vèrquent sus cant
pouor atchilyi chu solé du R'nouvé.

Eune êtrueûlée dé g'zettes ès clios,
des freûles rouoyales y fliambent dèrché; nou rande
un ciel frandgi, la crouaix au dos;
les frangues en sangnent ouaithe qu'ès banques, les branques bandent.

Les geônniéthes èrsont à flieuthi;
lus pitchets èrcouronnés d'glouaithe et d'or -
et les chînm'tchiéthes ont 'té viédgis;
et dans l'tombé nou r'trouv'tha d'aut' dé morts.

Geraint Jennings

 

Viyiz étout:

 

Les Pages Jèrriaises