Les Pages Jèrriaises

Lé r'nard dans la né


I' tchit d'la né duthant la niet,
Et j'vis un r'nard sus lé c'mîn d'fé.
Contre lé blianc, i' pathaissait gris
Et brun. J'tais tout êmèrvilyi:
J'n'avais pon veu - janmais d'ma vie -
Un r'nard. Et jé n'sais pon pouortchi,
Viyant ch't annima-là pâsser,
Jé m'sentais tout entchéthaûdé.
Chu bieau blianc chorchéthon d'l'hivé
Fondit m'n înmaginnâtion g'lée.
Lé monde est pus magique, ma fé,
Car j'ai veu un r'nard dans la né.

Geraint Jennings
1/1/2001

 

Viyiz étout:

 

Les Pages Jèrriaises