Les Pages Jèrriaises

Sur la Neige du 7 Novembre 1868


de 3 a 6 heures AM il y avoit de 4 a 6 pouce de Neige
De memoire d'homme on n'avoit jamais vu pareille chose sur toute la surface de cette Isle

Grand Dié d'la vie qui tems qui fait
Quand j'ouvre les yiers à matin
Je vai la terre couverte de nait
Quia jamais veu ditait ichin
V'la qu-jai bentôt septant'deux ans,
Et j'ai accouo une bouanne mémoize,
Je crai que quand j'avais quinze ans,
L'hivé d'iéz-huit chents douze à treize,
Viers le diéz-neuf ou vingt d'Novembre,
Y g'ly dù et y quit d'la nait.
Quand Napoléon se laissi prendre,
Ché fut pour ly un trébuquait.
Il allit s'fouoré en Russie
Ch-t-hivé là y fit si grand fraid
Que s'n'armaie y fut ensevlie
Comme dans un lincheu souos la nait,
Mais j'avions yeu un p'tit d'biaux tems
Un petit estait d'Saint-Martin.
Mais pour ch't' annaie tréjous gros vents
Et pliye ou gril' sier et matin,
Mais j'pense que j'errons du biaux tems,
Saint-Martin et sen p'tit estait
Ne devraient pas r'tergi longtem.
Viyons dans qui s'maine qui quait.
J'ai biaux cherchi dans l'almenas
Je n'y trouve pon de Saint-Martin ;
Nan pour certain y ni est pas.
Ah ! ch'-la explique chu tems ichin
Y n'veulent pus d'sen p'tit estait,
Y l'ont forbanni hors Jerry.
Si nou savoit ou qu'il était
Nou f'rait ben d'aller le r'cherchy.
Chest daufaits d'faiseurs d'alménas
Qui l'ont banni hors de Jerry,
Y n'ont pas songi, les ingrats,
Que Saint Martin peut se r'vengi,
Et qu-au lieu de sen p'tit estait
Y nos don-na un rude hivé.
Après qu'ils y erront ben pensait
Y feront ben de le r'aplé.
Oui r'installais l'bouan Saint Martin
Dans le coin de votre alménas
Q'l'annaie qui veint d'chu tems ichin
Une pareille suais n'nous arive pas.

 

NB
Huntly Place ce 7 Novembre 1868

 

I' tchait d'la né
 

Viyiz étout:

 

Les Pages Jèrriaises