Les Pages Jèrriaises

Mèrcie à Saint Méen


En allant à la fontaine dé Saint Méen,
las! sus ma bike j'eus un tyeur bosté.
Ma machinne n'est pon un bouôn pèlerîn:
jé souhaitis qu'un docteu ou eune nosse 'tait

là, pouor souôngni ma quédolle mécannique.
Mais i' faut s'fier à l'ieau vèrsée par l'saint.
Et ayant lavé la bike auve eune chique
trempée à la fontaine, j'èrmèrcie Méen.

J'sis v'nu sus ma bike à Sainte-Méthe-Églyise
pouor vaie Saint Méen et m'bangni dans ses ieaux.
Lé dou à laver, les pommièrs, la brise
et Méen dgéthithont ma pouôrre bike bétôt.


Geraint Jennings
14/8/2002



Saint Méen (ou Mewan) 'tait un parchonnyi à Saint Samson tchi pâssit par Jèrri en viageant au monastéthe à Saint Marcou. Nou dit qu'la fontaine dé Saint Méen à Sainte-Méthe-Églyise est dgéthisseuse.
 

Viyiz étout:

 

Les Pages Jèrriaises