|
Man maît' du Jèrriais est vloûseux Coumme un grand marmoûset: I' n'fait pon sèrvi un râseux Pa'ce qu'i' n'aime pon s'râser. Sus ses grandes mains il a du pé Et sus ses dés étout. Il en a même sus ses pouongnets! Il a du pé partout! Il a eune barbe sus san moton, Du pé sus ses deux bras, Et duthant nos léçons j'viyons Lé pé sus s'n estonma! Sa tête n'a pon hardi dé g'veux Mais il est moustachi, Et san corps a tant d'pé achteu Qu'il est coumme un tapis. J'sis heutheuse d'êt' eune pétite fil'ye Car j'n'ai pon à m'râser: Mais si j'tais un bein grand gorille Jé s'sais maît' du Jèrriais!
Geraint Jennings |
Viyiz étout: