|
Viy'-ous ma vaque? Oulle est bein belle; Châque jour ou m'donne du lait (Excepté l'weekend quand ou m'donne Deux boutelles d'Chardonnay) Quand oulle est dans san clios ou couort, Si dgaie auve ses froliques. Ou couort si vite qu'ou prendra part Ès préchaines Olŷmpiques. Oulle est siez lyi, là dans l'êtabl'ye Auve du fain et dé l'ieau, La télévîsion d'satellite, DVDs et vidgos. Est-alle belle! Èrgardez san pé Tch'est bé et couleu d'myi. Mais pouor un parti oulle aime mus Un fro par Versace. Oh, ma p'tite vaque, est-alle bein douoche! J'la ouais beûler dans l'clios - Excepté quand oulle est boutchie Pouor chanter “Figaro”. Ma vaque est bein întelligente; Y'a d'tchi dans san chèrvé. Achteu nou la vait justément Êlue coumme Député! Geraint Jennings Novembre 2002
|
Viyiz étout: