Les Pages Jèrriaises

Eune lettre dé 1894

Moussieu Oméga, - Ou zêtes diversement cuthiouex, ou zêtes coum les jeunes prêtres ou voulais tou savai!

J'étais à St.-Anasthase souous le Rév. George Poingdestre, i chergeait bain chi pour l'escolage des garçons - vingt-chinq louis par an! Oh my good.

In gnavait pon daeux prix - in gnavait pon de poor esfants - nou n'en voulait pon - les baggers travaillaient dans les terres, et dans l'zestables, et nettissaient les cottes - si le Doyen Nées et Vinchent Tehy avaient peu vais chain qui s'y faisait, i zéraient erdemandai lues sous et leues rentes!

Nou dit que ches Messieux sont achteu des révenants qui font poeux es vaisints en cryant tout haut - Haro! Haro! Haro! car le vier Nick nos fait tort!

Nou z'vait un vier Prêtre ov son bonnet Carrai!... d'ouest qui vaint?

Césarée.
St.-Ouen, au Marais


Nouvelle Chronique de Jersey 7/3/1894

 

Viyiz étout:

 

Les Pages Jèrriaises