Les Pages Jèrriaises

Esther Le Hardy - Nenné Caton

(1807 - 1881)

Chutte démouaîselle, tchi d'vait être du Centre d'l'Île étout composit des poèmes et tchiques autres longues pièches et dgialogues souos l'nom dé "Nenné Caton". Oulle 'tait êvidemment dé bouonne fanmil'ye et êcrivait gentiment bein. Y'a étout un mannuscrit d'rînmes - eune chentaine dé vèrsets dêdiés au Dr. Ph'lippe Langliais, un aut' poète Jèrriais - et tout ch'la étout traduit en Angliais. Ou s'pliaîsait à rînmer, ch'est seux : car ses rînmes, sans être èrmèrquabl'yes, s'entrésiêsent assez aîsiement. Chutte collection d'rînmes est datée dé dézembre, 1870, dé Liverpool. Ou mouothit au mais d'Juîn 1881 à Toxteth Park, Liverpool, Angliétèrre

Roger Jean Lebarbenchon êcrit dans san livre La Grève de Lecq qué: "E. Le Hardy nous transmet l'écho d'une satire somme toute indulgente de certaines pratiques sociales de son temps. Son univers est celui d' une société quelque peu aisée et encore fortement imprégnée des traditions. Il lui offre maint sujet d'observation. Ses pièces ont un tour absolument dégagé de moralisme et de morosité. Leur saveur se nourrit (même lorsque l'expression a un caractère franc et de brusquerie), de l'intelligence amusée d'une vieille dame et laisse deviner une générosité discrète. C'est un bon auteur dialectal."

 

 

Viyiz étout:

 

Les Pages Jèrriaises