Petite comedie en 3 actes
par
Nenné Caton. i.e. Esther Le Hardy
Personnes
Un ptit parleu wake le Docteu L'Hardy est a liere la gazzette de Dufries an 1810.
Une jeunne garcon noumai Phlip entre pour le consulte et es bain nerveu.
| Ph'lip - | Salue monsieu. Etes ous l'docteu L Hardy? | |
| Doctr - | Oui j crai q jel sie, car noumla trejour dit. | |
| Ne sais pas effritai, j'tassure tu ny ak faire | ||
| Prend ten tems, assiete, la nevla une quere; | ||
| Noum dit tou sorte ed maux, et toute sorte de plantes. | ||
| Ainchin ne pas peux, dit me tout et sans crainte - | ||
| Phlip - | Je sie - mais n vos desrangie pas - | |
| J'ai - mais jervaindrai une ôte fais syen cas - | ||
| Docr | Mais men garcon tu parais, gros, gras, et bain frais, | |
| J'en crais pas q t wa besoin, nid drogues, nid boulets. | ||
| Phlip | Oh - j sie bain malade | |
| Docr | Eh bain, ditme quekque t'was? | |
| Phlip - | Ah j voudrais bain l'save, vraiment jen sais pas. | |
| Ch nes ni consumption - ni bile - ni rhumatiste. | ||
| Ch'nes pon l'estropisie - amis ches d'qui triste, bain triste; | ||
| Tant pue j'y pense, tant mains Mouseu j en sais, | ||
| Y faut que je sais quiqui maladie d'chervé. | ||
| Docr | Êches tant coue men garcon? | |
| Phlip | Mon doux Mouseu noufai! | |
| La! y faut que je vols dise - Je sie Enchorchelai ! | ||
| Chête un famille qui sont, de tous temps, de tous temps! | ||
| Terriblement r'noumais pour ave l'grand sang | ||
| J'menvais pas les nommé, y nonque faire de sie fis! | ||
| Et ou savais Mouseu la raison pour qui. | ||
| J'crais quil ont mis d'espiles dans quique cou d'lapin, | ||
| Ou quique cou d'poulait, pour accomplie ma fin, | ||
| Trejou je sais bain q chen y un bain pïqui, | ||
| Et j'mouorais ou varais quand y s'ra siqui - | ||
| Au pouvé Mousieu, j sie enteriment rendu, | ||
| Et m sens comme un homme ques a maintie pendu, | ||
| Et chnes pas bain plaisant, bain seûre, et certain. | ||
| J'en eus l'z esprits two bas | ||
| Docr | Vraiment jten cras bain | |
| Mais ou wake ches q tu souffre, y faut qu je sache chla, | ||
| Devant pouve m'y prendre, pour te guerit t'en ma - | ||
| As tu mas a la tete, l'estouma, le cotai | ||
| Phlip | Nanni - | |
| Docr | As tu quique fais bain côo et apres bain grand frai | |
| Phlip | Oui Mouseu j'en eu une bordais Jeudi | |
| Docr | As tu d la toux? epite-tu hardi | |
| Phlip | Jen touse ni epite - jamais jen prends frai, | |
| Si j pouvais dormi, j dormirais dans la nai | ||
| Docr | Eh queque twen crais la cause - Men garcon jette dit | |
| Tun peux pas men contai pus curieux q jnai oui. | ||
| Phlip | Ou zete bain buon Mousieu, et j vos en ermaircie, | |
| Aije men vais vos conte ma triste alibél - | ||
| Nos gens s'moque, et dise que j'ai la brelue | ||
| Mais quechez sais ch qui voudra, je sens bain q'la q'um tue | ||
| Jen peux pas vos dire, wake jai justement mâ | ||
| Mais je sie si failli! Failli comme un câ, | ||
| Jen bé! jen mange! jen dort! jvais rhodans les ruettes | ||
| Ma tete baissie, mes mains dans ma pouchette | ||
| Me souscent d rain - voulant trejou etre seu - | ||
| Pis j sie prins colere et monte comme le feu | ||
| Et respé d'votre honneu, je jure comme un demon | ||
| Et envie twô au D_____ sans rhymes et s'ens raison - | ||
| Je fait mes très viages, j'sie premier contre maitre | ||
| Mais dans l'etâ quje sie queque je gagne de l'etre, | ||
| Jen crais pas si jtais abord acheteu, j pouvais | ||
| Vos mné un batè d la cauchier es minques - | ||
| L'annais passais - orages, roquer, quequi men té | ||
| Le pus mauvais temps ete l'pus be pour me, | ||
| Car un garcon d cowrage - - (secour! comme j ai changi) | ||
| Aime al montré et cherche le dangi | ||
| Acheteu jen peux! jen peux quittai Jerri | ||
| Les hommes m'efrite pus, je crais mete avis | ||
| q kla y m frai un grand bain, den assoumi diez | ||
| Et si jamais j'rencontre chu fripon Thomas | ||
| J'l'assommera chute fais quin sen relevra pas - | ||
| Helas Mousieu queque ches! queque ches q'chute vie!! | ||
| Quand j la ve passe, je tremble d'la tete es pis | ||
| J'en s'rai betot au liat! queque aije manvais dévni | ||
| Je sie au despé ai nis vait but nid fin | ||
| Docr | Chete une femme y semble qui ta enchorchelai | |
| Phlip | Ah Mousieu d'vot vie ou n'avais mue d'vinai!!! | |
| Docr | A tal des sous | |
| Phlip | Sen pere est en decrait. | |
| Mais mé jen ai assais, mais queque la quis fait | ||
| Criyou q'oum geurerais - avous pouve su l'sort | ||
| Donnais me quique boulets vraiment j sie a dmie mort | ||
| J'vos donnerai ch kou voudrais - ne merfusais pas | ||
| J vos dit j'ai des sous, les vla argent bas | ||
| Docr | Men garcon jai yeu la meme attaque que té | |
| Et promais de faire tout ch ques en men pouve | ||
| Pour te d senchorchelai et ter maitre sus tes pis, | ||
| Ches enchorchelments sans d'triste maladies! | ||
| Mais faut pas k je sais payé, car j'crais bain q tu sais | ||
| Que les chorchies erait un grand pouvai sus me | ||
| Si j'prenais des sous, ou l'maindre brin sait | ||
| Pour renversait le sort et le ma quil ont fait | ||
| Ah! jet plains men garcon! ah oui ch té plains bain! | ||
| Consumpsion rhumatist etropisie sont rain | ||
| A chein dendure - Jen fu d meme une fais | ||
| Et pi si malade, je failli mouri - mais | ||
| J men r fis | ||
| Phlip | Eteches une femme qui vos enchorcheli | |
| Avait alle des nier z yeux, et belles rouge jois? | ||
| Docr | Oui! oui! | |
| Phlip | Et zou failli comme me | |
| Docr | Oui, et souvent la niet | |
| J'allais jen sais you, comme un vrai eratai, | ||
| Mais revnais trejous, en veu d'la ptite f'netre, | ||
| Wake que je cries ma terrible chorchiere devait etre; | ||
| Et si s'nombre une minute sus l'ridiaux restai | ||
| J'en tais tout emu, et pres a en pleuri | ||
| Jen sais pon ove qui, ni kom queque oum halé, | ||
| Mais chte impossible, impossible dmen allé. | ||
| Phlip | Ptetre qou contai l'z etails illes les contes ach nou dit | |
| Docr | Jen sais rain! mais je sai queje tais fierment fiqui | |
| Ergardant sa leu et s'nombre - y fallai | ||
| Que sa leu fut eteinte, pour k je peusse men allé | ||
| Et a la fin des fins, ove paine j'em trainais | ||
| Siez me | ||
| Phlip | Ches comme me comme deux pais | |
| Et aiches vrai qu'achteu ou navais pas d peux | ||
| Des chorchiers, et avais le pouve sus yeaux - | ||
| Mais mon doux dla vie! Ah, queque erai crû | ||
| Quilles iraient enchorchailai jusqu'un Docteu | ||
| Bain certainment Mousieu jvais kou connaitre | ||
| De kmenchement a fin tout me triste maladie | ||
| Docr | Mais dit me bounment que ke ches cou ta fait | |
| Ta talle estropsier | ||
| Phlip | A mon doux nouffai | |
| Oun fie pas du ma au pus ptit moit d fremin - | ||
| Mais quand j la ve douchement, et tranquillement v'nin, | ||
| Je sie prins sus mes nairs aussitot que j la ve | ||
| Et j vains rouge que j'en souffre ain peu pas paslé | ||
| Docr | Et lie rougie t'alle atou | |
| Phlip | A mes oui comme deux feux | |
| Et s'en va courant, et la quim fait peux | ||
| Et j'tremble comme la fielle, et reste la fiqui | ||
| Comme un bainni a yos basse irai sus un roqui | ||
| Pis j tache de men allé, et pis jem promets | ||
| Que jamais d'la vie j ner cherchrai la vais, | ||
| Mais queje faiches keje veut en vrai maugrai me | ||
| Ou menchorchaili de pus et nev la j la 'sie, | ||
| Ou twon qui ptit kmin, et vair la rencontrai | ||
| Ai si pres a men alle, ove crainte, la quete | ||
| Pour une petite goute deaux, et chute seulle petite fais | ||
| Dem laissi la baive de sa vielle kanne de bois - | ||
| La draine fais q jla vis, jen la cherchais pas | ||
| Jem prommennis bain tranquilment vais wake chu Thomas | ||
| Ete a rhodé - Il te tou pres de's n'hue | ||
| Et j'sais qued la fontaine on te pon revnue | ||
| Mais jem mis pas en pains, comme ou n'avais ka craire, | ||
| Ques qui ment té, chen te pas mes affaires | ||
| J'mes drechi tout drait, pis je siffli tout haut - | ||
| Mais Mousieu pour queque oun me laissi pon en rpos | ||
| Docr | Y font trejou comme chla, vai tu bain hes pour faire | |
| Leus enchorchelais vnint les quete et sievre | ||
| Phlip | Ches une triste maladie que l'enchorchelment | |
| J plaindrais le pus vi, lai ballock de chen | ||
| Qu'en srai affligi je sais queque ches, ai jésé | ||
| Ch sé une grand charitai a quique z'une delle l'nye | ||
| Avous quiqui autre nom pour l'Enchorchelrie? | ||
| Etes alle mentionais dans les grande maladies, | ||
| Si ou yez pon, ou devrait bain l'etre metes avis - | ||
| Si ou zavais le livre mel pretyous Mousieu | ||
| Docr | Ou n'es pas dans nos livre, en two temps comme achteu | |
| Twô sont oblique de l'apprend par coeu | ||
| Ches d qui qui cours trejou et quis prend hardi | ||
| Quique fais ou n'es pas bain aisie a guerit | ||
| Y en a jusqui en meure | ||
| Phlip | Criyous kjen mourai | |
| Docr | Nanni men garcon, nette mait pas and zespé | |
| Phlip | Cryous quom geurriras | |
| Docr | Oui si ment d'ment | |
| Mais ches la pière sorte, de la fievre tremblante; | ||
| J'lai yeaux si forte une faise que j failli dem pendre | ||
| Ainchin sait bain seure je sait keumen my prendre | ||
| A sa viyons achetue! mais y faut te toues(?) la foi | ||
| Pour te fie fiablement et entierment sur me | ||
| Fra tu tou chok j'dirai sans demande raison | ||
| Si tu promets me chla, j promets ta guerison | ||
| Phlip | Foi d'honnetes garcon, Mousieu j vos promets | |
| De craire, faire, et prends two ch quo voudrais bain m'grer | ||
| Docr | Et bain r'vain Lundi et apporte me très paires | |
| Sus qui j'descontrai, et frai des praiers | ||
| En Latin, car ches la le dvis des chorchiers | ||
| J laprins es ecoles, et achetue oum sert | ||
| A des enchorchalai et a renversai l'sort | ||
| Es chains qk les chorchiers ont laissi d'mie mort. | ||
| I sra mue d'etre ichin la mé près a monte | ||
| Car chu temps la, est milieu pour bain deconte | ||
| Et n'manque pas men garcon, de v'nin en boun temps | ||
| Pour etre dans men parleu, a douze heures sonnant | ||
| Chete a miniat les chorchies font leus chorchelleries | ||
| Et a mejeu j les drogues, et j vos les amorties | ||
| Faut q tes pairs ses bain meures, pas une taque sus yune, | ||
| Et y faut qui sais quillies au clé de la lune | ||
| Y n faut pas q tu pasle, prend boun soit det taire, | ||
| Et pense en quilliant, toute temps dta chorchiere | ||
| La va men garcon j en ten dviai par pue | ||
| Phlip | Ah Mercie Mousie j em trove deja mue | |
| Et Mousie ou pouvais vos fiablement fie | ||
| Que pas une ptit chose ne s'ra manquer par me. |
| Docteu | Et Bain! Phlip t'eve la, as tu les tres paires? | ||
| Flip | Ah les tres pus belles Mousieu ou n'avais qu'a craire, | ||
| Et j tais en quillies ove grand soin yune, a yune, | |||
| Et comme oum dites Mousieu au klie de la lune | |||
| Et j pensais! et j pensais a lie tout l'temps, | |||
| Jem sie pas pressi une mie en quillant, | |||
| Quique fais ch quillais des ptits, mais j en disais pas mot! | |||
| Mais r komchais d'pus belles, pis r pensee comme un fo - | |||
| Je crais qu'ou fites quique chose quand j vint l'autre mardi | |||
| Quique passe, jen sait qui, mais m'en trouve pue hardi | |||
| Et j vos r'promets de faire, et de craire tout chien qu'om dite - | |||
| nevla quiqui pommes pour Madame et la ptite | |||
| Doct | Bon, donne me les paires, oui dia y sont belles | ||
| Et j envais a haut les maitre swo l'zetelles | |||
| Et deconte d sus, et faire chen queje sais | |||
| Les f'ront quit donnerons le pouve sus lie | - Exit | ||
| Flip tout seu | Ah a ti d l'esprit et d la bontai ch tina | ||
| Je sie bain seure et certain qui men guerirat | |||
| (Ah at'y la bontai!! et mon doux quil esprit | |||
| Je sie bain seure et certain, qui pouva m guerit) | |||
| Car il a tai enchorchelai ly meme une fais | |||
| Ainchin y na garde de save queque chès, | |||
| Y faut que j ly dmande, tandi que jy pense, | |||
| Car ches je crais d'qui, ques d'une grande importance | |||
| Et a hardi y faire - a mon doux mete avis | |||
| Je sie si boulvairsai que sais pas wake j en sie, | |||
| Mais ch sie bain pus am n'aise chtes un homme si avennant | |||
| Yn se mait pas en paines queje l'y prins tout s'en temps - | |||
| Jen le laisserai pas bain seur et certain | |||
| Prendre chute pain la pour me et l'y donne rain - | |||
| Mais d peu q les chorchier erais pouve su ly | |||
| Je sera a Madame que j'apporteras qui | |||
| Et si y mer fait queje peu r'allé en me | |||
| J'apporterai Madame, la pus pus belle pe | |||
| De nier marmousai, qui yai en Afrique - | |||
| Et leus chiere petite era et paquenote et vlique | |||
| Et un biaux gris paisrot que j apprivoiserai bain, | |||
| Et un ptit couchon guenne, qui mangera dans sa main - | |||
| Mais la jer penserai! - faut queje pense a l'avenni | |||
| Car y sera pas bain long tems d'vant s en rvenin | |||
| Comme il a tai enchorchilai ly meme une fais | |||
| I n a garde mon doux de save queque ches | |||
| Et kemmen sy prendre pour en v'nin y a bel fin | |||
| J'te mus, a bain mus que d'aller au dvin, | |||
| J y etait pus dun mais, et le d'vin ma fait rain | |||
| Mais li y fait vaile, et le vla au plein | |||
| La pallais me d' chla! ch nes pas un homme j vai | |||
| A restai ses deux pis dans sen vier soulier, | |||
| Y faut ques ly demande, car ch cre me ches d qui | |||
| A hardie y faire | |||
| Doct | Et bain Flip queque tu dit | ||
| Mouseu pouvous m' dire car ches qui bain etrange | |||
| Pour queque d'chute fashion, oum tormente aim venge | |||
| Jen lie jamais fait ma, et ly veux un boun sort | |||
| Ainchin pourqui vengi de meme un poure coprs | |||
| Doct | Helas men poure Flip, ches les manieres quille ont - | ||
| Y kmenche par vos dounné des etousdesaisons, | |||
| Et les chennes a nier yzeux, vos happe les garcons | |||
| Comme un paiquir ove ligne happe les pour ptit paissons - | |||
| Y halles pis erlache, et d'erchai er halles | |||
| Une fais atrioquis y n sen dément pas mal | |||
| J'em rappelle bain car j'en eu ma suais | |||
| Im fallie maffoli - Yn ya pas bain dzanais | |||
| Mais si y vos tormente ched qui consolant | |||
| Qued save en meme temps, is tormente autant | |||
| Tout n leus es pas solai y font souvent fredaine | |||
| Pour Muchi ch'qui souffre, ai k nou vais pon leus paines | |||
| Y sont souvent jte dit, et sais en bain sure | |||
| Comme mouque qui laisse piquere, es bain vite se meure | |||
| Flip | Cryous quou mouria | ||
| Doct | A mon doux nanni | ||
| Ta chorchillerie vaindra a bain pus belle fin | |||
| Asa viyons qu'j la drogue | |||
| Flip | Ah n ly fait pas du ma | ||
| Dot | Je sera te quil yen fra | ||
| Vraiment noufrai dia | |||
| Comme enchorchelle de chent de mille enchorchelrie | |||
| Aim tu ded s'espé, j lien frai pas une mie, | |||
| Dot | Tu la vit y'a tres semaines | ||
| Flip | Jen sais pus - mais j'cré | ||
| Offuches l'avait veux, chte a chinque heures du sait | |||
| Dot | J la rencontri aupres j'crais | ||
| Ah la connaissie d'veux? | |||
| Avait al les pus biaux, mais les pus beaux nier y zeux, | |||
| Avait al un bedgoune, ove un mouchai cotton, | |||
| Et un ptit nier bonnet amarai swol menton | |||
| Et un d'vanté fort telle, et un rouge cottillion | |||
| Et wake la pouchette avait trillie, | |||
| Ove un mio de qui neu, naitment rabillies, | |||
| Et des coches de blue laine, de sen propre cru | |||
| Et gros fort souliers, ove une ptite pieches au but | |||
| Avait talle une mine triste, et marchait pensivement | |||
| Doct | La même men garcon, la meme justement | ||
| Oul te toute engroutais | |||
| Flip | Ah Mousieu queque ou dites | ||
| Doct | Bain seure quol te bain a plaindre, poor petite! | ||
| Car chte a chaud larmes qu'ou pleurai quo pleurai | |||
| Que s'en poor petit coeu n'avait q dans crevé | |||
| J'en eu une pitie, une pitie une pitie | |||
| Flip | Mais Mousieu oun pouvais pas pleurai pour me | ||
| (Quand j'la rencontri par hasard dans les rueuttes quique fais | |||
| J la rgarde presque pas, et bain vite m'en vais | |||
| Et j vain si èmu, que jen lie pas oquo | |||
| Paslai le pus simple, le pus simple ptit mot | |||
| Doct | Là rumine dessus ches p'the chla quil effrite | ||
| Et l'y mai l'z esprits bas | |||
| Flip | A Mousieu queque ou dite | ||
| Doct | Ym semble men garcon que ches justement chla | ||
| "Mais queqe sais qui voudra oul en era du ma") | |||
| Mais che sais qui quis voudra oul en era du ma | |||
| Oul te bain miserable, j crais qu'ol avait la toux | |||
| J'crais qu'ou sort tro au se | |||
| Flip | Oh mon doux mon doux | ||
| Doct | Oul a quiqui grande affliction, et vraiment je crai | ||
| Quique faicon d buon coue devrait la consolai | |||
| En connais tu yun - Crais tu, si en cas | |||
| Oul te prise de despé koule ecoutrai Thomas | |||
| Mais pour queque tu tresote | |||
| Flip | Oh Mouseu helas | ||
| Ches les vents ou viyis quin vaine dans l'estomac | |||
| Et m font tresotai et mes meussionne comme chla | |||
| Doct | Thomas a ti des sous? Demeure ti pres lie? | ||
| Flip | Jvoudrais bain qui fut au fin fond dla me | ||
| Doct | A sa dit me queque ches ches que ta chorchiere a nom | ||
| Phil | Ches - Mousieu - ches Este l'Breton | ||
| Doct | Quille age a tal men garcon qu'tu cret | ||
| Dix seit Mousieu chu dernier r'nouvé | |||
| Et mé jen ai justemment vingt ans et demie | |||
| Dr | Faut k jen marque les paires d'une certaine fashion | ||
| Pour assuré ten pouve sus lie, men garcon | |||
| Crèe me, crèe me j'ten prie, bain vite tu s'ra mue | |||
| De ten ma, mais yn faut pas l'allowrinai d'sus | |||
| Prend courage a brachie (it manque le cowrage) | |||
| Et la quitte donnera un boun vent pour ten viage | |||
| Vla tes paires et prend bain avis a chien queje dit | |||
| Et d'vant un ptit mais t'wethais cause del rejoui | |||
| Dans l'drain quartier d'la lune j've deux homme sus ses pas | |||
| Mais Emoustillé te vite et t'ul de vancheras | |||
| Prend une paire a ta main, et qu'ta main se bain naitte | |||
| Et va attendre Este a la carred'une ptite ruate, | |||
| Flip | Pres d'la fontaine Mousieu? Je sais bain oueque chais | ||
| Ches la qou va cherchi de l'eo pour leu tés | |||
| Doct | Oul y va a chinque heure et reste un ptit tems la | ||
| Pour que l'eau sais rassies, et prend sa kanne et s'en va | |||
| Et soupirant bain tristement | |||
| Flip | Oui dia | ||
| Doct | Te t'u es driere le fossai muchi comme un ca | ||
| Flip | Mais d'la vie Mousieu queque y vos a dit chela | ||
| D | Tu sait justement you la rencontrai | ||
| Fp | Oui Oui | ||
| Et prend boun avis et fais comme jet dit | |||
| Tu diras t'way la par le pus simple hasard | |||
| Et semble bain pressi, mais donne l'y un rgard | |||
| Flip | Oume crèra un fier affrontai Mousie p'etre | ||
| Dr | Ou sais bain, ou saire que tu nas garde de l'étre | ||
| Pûche ly s'neaux, sans l'y d mendé, tu naque faire d'ave peux, | |||
| Et tu vairais bain vite, comme ou baissera les yeaux | |||
| Et Dit tranquilment en lys prenant la main | |||
| Ter vairaije Esté a la maine heure demain? | |||
| Aime tu les paires ne vla une Duchesse | |||
| Ad main - et la sue y faut q'tu la laisse | |||
| Car sa poor petite tete en s'ra si twonais | |||
| Oul en sera si emue et si boulversais | |||
| Qui faut la laissi pour s'ermaitre un mio | |||
| Car y faut pas la première fais l'effritai trop | |||
| Ne l'ermussionne pas, sait bain bain ferme j te dit | |||
| Si ses nairs sont faillie, ptêtre quo plura un ptit | |||
| Mais n'sais pas pris d'pitie, ne va pas la baissi - | |||
| Flip | Mais si ou pleure Mousieu | ||
| Doct | Y faut la laissai | ||
| Flip | Jen crais pas Mousieu que chala sra bain aisi | ||
| Car j crais que me meme j serais un ptit mio saisi | |||
| Doct | Et bain faut q je te laise! tu peu te même tergrais - | ||
| Flip | Ah Mousieu Mousieu j'vos promets, jvos promy | ||
| Doct | Ervain s'ien cas, si tu crai qu'oulle a peux, | ||
| Et tranquillement rvenais ensemble two les deux | |||
| Mais t'un diras pas mot. Et sen coeu s'ra si plien | |||
| D'vais sen sort si changi, que lie n'dira rain | |||
| Tu la manneras au but de la ruatte pas pus lien | |||
| Pis dit li tout douchment a l'oraille: a demain | |||
| Et va ten d'erchai, et laisse la s'erfaire | |||
| Et mitonner toute tes parolles sus ta paire | |||
| Et sais seure et certain comme le solai qui ly | |||
| Qua te et a Este le sort est changi | |||
| Erva le lendmain ove ta paire en boun temp | |||
| Conte ly quiqui nouvelle, et dmande li pour ses gens | |||
| Et donne ly la paire, et sans faire nus de rain | |||
| Tu lys prendras bain douchement, bain douchement la main | |||
| Flip | Pis faut y k je la baise | ||
| Doc | Nanni pas oquo | ||
| Car ou pourai s'effritai et s'mari un miot | |||
| Mais la tresieme fais - Et bain sy en cas | |||
| Ah Bain seure Mousieu quje n'y manquerai pas | |||
| Doct | Eh! Tunt va pas comme chla au fin feu d'gollo | ||
| Je n'ai pas fini la s'gonde fais ouquo | |||
| Kemanneniches par lie dire t'way bain lassai d'la me, | |||
| Et q jene s va pas long tems devant restai sies te | |||
| Pour soignie tes terres, et dit ly q' ta mere | |||
| Es bain faillie achetue, a peu a paine traire | |||
| Flip | Ah qu'ou mavais fait d bain jen sie pus effritai | ||
| Doct | La tresiemme fais rencontre la, la niet | ||
| Swo quique quenne, ou qui pommie, wake il y a un ptit d'ombre | |||
| Mais wake nou ve l'ciel et y n fait pas trop sombre | |||
| Faut queje sait bieaus klé lune, et qu' les etailles erlise | |||
| Et wake nou peut vais le clocher d' leglise | |||
| La fait chen kjet dit - jen ten dirai pas puex | |||
| Quand tuen seras a la, tut trouverais bain mue | |||
| Et senteras l pouve si fortment a te | |||
| Que tu neras pus d'besoin ni d consailles nid me | |||
| Mais ervain mer vais si t'arrive quique malheu | |||
| Car chte souhaitte men garcon tout bonheu, de grand coeu | |||
| Flip | Savous Mousieu deja jem trouve bain pus fort | ||
| Deja jsens les paires, kmench a changi men sort | |||
| Bain seure et certain y sont fortement grais | |||
| A la prechaine Mousieu Et jvos rmercie mille fais |
Le Docteu rencontrant Flip
| Doct | Tu n'est pas r'venû, j criais twetais mort |
| J'ai aquo des nouais arrangie pour ten sort | |
| Flip | A Mousieu qu'ou devais en avait du gi |
| Mais nou dit l chien qui gange rit trejou l'dernie | |
| Ma mère de vos envie del ongunt qu'ou fait | |
| Et vos dire que trejou ou vos era bouon grai | |
| Et du syrop d'rouge ouliots, de ch tannee, offuche | |
| Srai boun si la ptite allait prendre la cockluche | |
| Doct | Mais pour qui men garcon? - queque twa, tu rit! |
| Flip | A Mousieu l'Docteu aiche qu'ou navais pas oui |
| J det amné Esthé, qui jour dans l' harnais | |
| Car Mousieu oul a bain grand envie d'vos vaie | |
| Et ou dais vos apportai du lait epourai et creme | |
| Et d noublew bourallos qu'ou fra pour vous lie meme | |
| Et du mi dnos reuques ches du pus pies fin gout | |
| Et un mio d gaches de neuches qu'ol a gardain pour vous | |
| Et une mouchetais d bourgons, et un ponnaie d parssnais, | |
| Et des pomme de Romri, et beaux oeus two frais - | |
| Et la ptite Bantine, chen es yune ques bain belles, | |
| Et un grand blanc Lapin pour vot ptite demoiselle - | |
| Oun rassasie pon, de pense ed pensé | |
| Queque ches au monde qu'ou peut vos apporté | |
| Ou dit que sans vous je serais bain seure restaou | |
| A guetohe l'etailes comme un cô effolai | |
| Car oum fait quique fais, de plaisant maguene | |
| Et aime une riselais sus men enchochellrie | |
| Et me j'sais bain s'yon tien vnus m' sauvé | |
| Jerais yeu qui bount jour, un bond d Despé | |
| Et men serais en allais un long viage en Me | |
| Et offuche a men rtwô erais perdu Esther | |
| Ainchin ou navais qu'a pense Mousieu | |
| Jen savons k vos faire qu'avais fait notre bonheu | |
| Et si Esthé dévnai malade ou nos ferierz l'honneu | |
| Jen crais pas - mais, s'y en cas - d l'y venie etre sans Docteu |
Viyiz étout: