Les Pages Jèrriaises

QUAND I'S'EN R'VAINDRONT

.

Chanson sur l'air de " KEEP THE HOME FIRES BURNING."

I'futhent appelés d'dans la campagne,
I'futhent appeles d'dans la ville,
Et pas un seul ne manquetha
Quand i'faudra tchitter l'ile;
S'sa pour nous une triste occasion
Mais malgré qu'j 'aithons l'tchoeu gros
Ch'est à nous de chanter gaiement
Tâchons d'rêjoui nos héros.

Refrain -

Oublions notre minséthe,
Et d'une faichon sincéthe,
Qu'nos pensées suivent nos garçons.
Comme i'pensent en nous;
Quand s'sa passé l'orage,
La dêfaite du sauvage,
Oh, tchille heutheuse réunion,
Quand i's'en r'vaindront.


Quand la nouvelle vint que Hitler
Répudiait ses engagements,
I'n'restait pus qu'une chose à faithe,
Ch'tait la dgerre contre les Allemands;
Nos garçons n'se firent pas prier,
Jamais i'n'ont hallé driéthe.
I'sont acheteu "tchiquebord en France,"
Protégis par nos priéthes.

Refrain -

Oublions notre minséthe.
Et d'une faichon sincéthe,
Qu'nos pensées suivent nos garçons,
Comme i'pensent en nous;
Quand s'sa passé l'orage,
La dêfaite du sauvage,
Oh ! tchille heutheuse réunion,
Quand i's' en r'vaindront.


 

Viyiz étout:

 

Les Pages Jèrriaises