Deux branques sustout 'taient magnifiques
D'un but à l'autre chergies de grappes.
Notre houmme les porte à la "Chronique":-
Né f'chin, s'fit l'personnel, une happe!

L'Samedi en prenant sa gazette,
Nou r'gardait tous sus l'vièr compteux,
Mais d'gradilles i n'restait pus miette:
Tout avait 'tè pliutchi, messieux!

Y'avait, sans doute, une grosse caboche,
Mais chatchun sait qu'les bouannes gradilles
Font pus vite v'nin l'ieau à la bouoche
Que caboche, rave, navets ou s'nilles!

Elie
1913