|
Lé crînme né paie pon. Tréjous grévé d'dettes, souos l'fou, l'fraudeux n'a pon d'aîgue finnanciéthe. L'êcliandreux a 'té laîssi ès êcouettes. Même lé voleux d'grand c'mîn n'en profite dgéthe. Ch'est qu'un policemainne est bein mus payi: i' gângne tant, qu'nou dit, qu'il est pouôrri d'sou; n'a pon dé r'chard pus riche qu'un détecti tchi dêmuche lé mêché d'un tas d'ouéyous. Ch'est-i' qu'nou-s'est à séduithe les Chent'nièrs, et les Vîngt'nièrs sont-i' touos corrompus? Nânnîn, lus conscienches sont pus cliaithes qu'un vèrre: ches officièrs bâdront tréjous un r'chu rédgulyi et officiellement sinné. Vraînment ch'est l'gâte-papi tch'est crînminné! Geraint Jennings |
Viyiz étout: