|
Comme tch'îthait à la dgèrre sans carabinne; nou tith'thait manniéthement l'ennemîn atout du vîn au run d'fûsi-machinne; nou trînqu'thait au run d'faithe du drîn. Les fîsées, pétillants dans lus vèrrées, f'thaient lus p'tits brîns d'bombardément. Les brigades bédéouinnes b'thaient des santés; dé l'ieau-d'vie dêgôl'lait, pon l'sang. La breue ès lèvres n'en veindraient pon d'pouaîson; vaudrait mus qu'tither, un trait d'béthe. Les bottes et boutelles f'thaient batâles au front sans êtrueûler rein d'piéthe qu'la biéthe. Nos raies s'saient abrévées d'dginne et tonnique; les bouochons d'champangne êcliaqu'thaient à canonner ès clios. Si nou s'assique, ch'est d'béthe. Les armées lus paqu'thaient. Geraint Jennings 14/7/2023 |
Viyiz étout: