Les danmes en rouoge et bliu et vèrt -
Ch'est l'élégance victorienne
D'la souaie tchi lit, du v'lous si nièr,
Des ladies et des gentlemen.
Les hoummes tchi portent des nièrs tappeurs
Et blianches braies sont lus compangnie.
Les cheins à l'entou sont heutheurs
Auve ches vielles danses et chutte chant'tie.
Sus l'hèrbe, souos l'solé, d'vant la tente,
Les danseurs touônnent, marchent et èrtouônnent.
Auve biéthe, gâche, thée et cidre en vente,
Nou dithait qu'l'arlévée est bouonne!
Geraint Jennings
La Fête de la Vielle Langue Normande
Mai 2000
|
