|
J'vos pliains bein, Missis Grosvalèt, D'être punie quand ch'tait votre valèt Qu'avait, li tout seu, fait l'minchèt, En n'se t'nant pas pour satisfait Du prix mèrtchi sus san titchèt Par Jack Spearman, un frais râsè, Qu'acatte des poummes de terre ch't'êtè Pour Tunnar' - ou tchic chose d'itèt! Mais pour de mai, je n'peux pas vaie Pourtchi vos condamner es frais. La Cour avait tort en l'faisant Nou n'dait pon actionner les gens Sans lus dounner la chance de r'graie Les bêtises faites par lus valets! |
Viyiz étout: