|
Nos bouoches sont bouoillies par chu solé d'sueu, nos tchoeurs juseurs - êtampés auve l'Êté, not' pé - litchie et litchide.... et achteu un baîsi sembliéthait pus caud qu'l'Enfé. En mentant, nos patholes rouôlent coumme la meule; nos langues et bouoches lus mêlent meûthes et mouaîsies; la mucreu d'nos embraiches - l'amour tch'êtrueûle eune lietchie d'Êté, d'litcheu et d'laîsi. Juse tan doux d'vis dé d'si et dé deux-vis; mes mots meûthissent en mouothant sus l'amet: un mathiage mielleux d'poummes et parties, fèrmentétha dans nos tchoeurs êtampés.
Geraint Jennings |
Viyiz étout: